استمارة البحث

20 هدية تسعد المجتمع وتفرح ست الحبايب!

حديث ورنين المحروسة

| المدونة >> 20 هدية تسعد المجتمع وتفرح ست الحبايب!

20 هدية تسعد المجتمع وتفرح ست الحبايب!

هنجيب ايه لماما السنة دي؟

الحيرة اللي بتواجهنا كل سنة واحنا بنحاول نختار أحسن هدية تليق بست الحبايب، هدية بره الصندوق بعيد عن هدايا الابن المصري الأصيل الورد وأدوات البيت ... 

السنة دي قررنا نوفر عليك الحيرة ونختار لك ٢٠ حاجة مختلفة ومبتكرة ممكن تعملها مع مامتك من خلال مشاريع مجتمعية تقدر بها تفرح قلبها وتساعد المجتمع!
 

أشتري هدية من فين؟
 

ذات و ستديو إمبابة:

مشروع ذات    بيشتغل علي دعم الحرفيين المحليين، خاصة النساء، من خلال تطوير الحرف اليدوية المحلية، والحفاظ علي تقاليد الصناعات اليدوية وتحسين جودة التصميمات، كمان بيشتغلوا علي دعم المصممين الموهوبين

تقدر تشتري من ذات: ازياء، شنط بأشكال مختلفة!

 

جبراء:

لما تشوف منتجات جبراء اليدوية هتنبهر من جمالها، لكن لما تعرف الحكاية ورا المنتجات والهدف منها هيزيد انبهارك!
جبراء بيحاولوا يواجهوا تحديات مختلفة من خلال حماية الحرف التقليدية باستخدام موارد طبيعية غير مضرة للبيئة، تحسين الحالة المجتمعية للحرفيين ونقل المهنة للشباب للتأكد من الحفاظ علي تراثنا، توفير فرص عمل لأهل المدن البعيدة لتشجيعهم علي استمرار إقامتهم بمدنهم ومنعهم من الهجرة. 

تقدر تشتري من جبراء: اكسسوارت للبيت، شال، شنط بأشكال مختلفة!
لو عايز تشوف بنفسك موجودين في وسط البلد

 

مركز:

في مركز هتلاقي منتجات مش موجودة عند أي حد نفذها مصممين مصريين مختلفين بجودة عالية. مركز بيوظف الحرف اليدوية المصرية التقليدية لإنتاج مشغولات عالية الجودة، هناك بتقدر تلاقي منتجات صنعها حرفيين من محافظات كتير زي سينا، قنا، دمياط، بنها وغيرها

تقدر تشتري من مركز: مفارش سرير، مخدات، شيلان، شنط!
لو عايز تشوف بنفسك موجودين في الزمالك و المعادي،  كمان تقدر تقابلهم يوم السبت 19 مارس في مركز الزمالك من الساعة 12 ظهرا وتشوف أفكار هدايا عيد الأم.
 

Upfuse:

 Up-fuse بيشجعوا علي خلق بيئة في منتجات أكتر استدامة وصديقة للبيئة. كل الشنط مصنوعة من أكياس البلاستيك المعاد تدويرها والقطن. بشرائك شنطة إنت بتساعد طلاب منطقة منشية ناصر يكلموا تعليمهم كمان بتوفر دخل لأسرهم.

تقدر تشتري من Up-fuse: شنط بألوان وأشكال مبهجة!
لو عايز تشوف بنفسك موجودين في التجمع الأول   

 

توماني:

توماني يعني الأمل، بدأ المشروع كنشاط فني صيفي في واحدة المناطق العشوائية بمحافظة الجيزة وتطورت الفكرة فأصبحت تهدف للرقي بالفتيات وتطوير مهاراتهم الإبداعية وتمكينهم من الاعتماد على الذات فى توفير نفقات التعليم والزواج.

تقدر تشتري من توماني: شنط!
لو عايز تشوف بنفسك تقدر تقابلهم يوم السبت 19 مارس في بازار عيد الأم حديقة الأسماك بالزمالك  من 11 لـ 8 مساءا

چوزي بوتيك

تقدر تزورهم في الزمالك أو تتسوق من علي موقعهم وتشوف جمال المنتجات اليدوية التراثية المصنوعة بإيد مصرية من سيوة وسينا، كمان الموقع بيضم منتجات مصممين بيسوقوها من خلالهم.

تقدر تشتري من چوزي بوتيك: ازياء، شيلان، شنط، اكسسورات فضة وتراثية، اكسسورات للبيت!
لو عايز تشوف بنفسك موجودين في الزمالك

 

أنامل مصرية:

برنامج أنامل مصرية هو جزء من منظمة أوتاد، بيسعى لتنمية الحرفيين المحليين اقتصاديا، والحفاظ على التراث الثقافي في مصر من خلال خلق جيل جديد من رواد الأعمال الحرفيين عندهم استعداد لتطوير مواهبهم.

تقدر تشتري من أنامل مصرية: ادوات مكتبية، أدوات للمطبخ، شمع، سجاد، مخدات، منتجات تقليدية من محافظات مختلفة!
 

 

Creative Egypt

كريتيـڤ إيجيـپـت  هدفهم تشجيع الحفاظ على تراث مصر الحضاري وتحقيق التنمية المستدامة للحرفيين المصري. هناك تقدر تلاقي تصاميم متميزة ومنتجات ذات جودة عالية بتعكس تاريخ مصر شكل معاصر.

تقدر تشتري من كريتيـڤ إيجيـپـت: منتجات مختلفة من الملابس لـ ديكور البيت!
لو عايز تشوف بنفسك موجودين في عمر أفندي المهندسين، كمان تقدر تحضر بازار عيد الأم يوم الجمعة 19 مارس من 2 لـ 9 مساءا.

 

يدوية:

يدوية بيعملوا علي الربط بين الحرفيين المحليين والمستهلكين من مصر والعالم كله من خلال موقعهم الإلكتروني اللي أسسه مجموعة من الشباب المصريين المهتمين المنتجات اليدوية والتراث المحلي المصري. هدفهم إحياء الشعور بالفخر بالتراث المصري المحلي، وتشجيع المستهلكين في المناطق الحضرية لتقدير المنتجات المصنوعة محليا والمساهمة في تطوير واستخدام التكنولوجيا والشبكات الاجتماعية كأداة لتمكين الحرفيين بالمجتمعات المحليه 

تقدر تشتري من يدوية: ازياء و حلي، ديكور منزلي، فنون و تراثيات، حرف يدويه بيئيه!
لو عايز تشوف بنفسك موجودين في الجيزة
 

جزازي:

جزازي بيعيدوا استخدام مخلفات الزجاج والكراكيب وتحويلها الي وحدات اضاءه ووحدات تستخدم في البناء والديكور.
لو عايز تشوف بنفسك موجودين في المعادي

 

ألاجا:
ألاجا
بيشتغلوا مع حرفيين وفنانيين من أماكن كتير فى مصر فى مجال الازياء والتطريز وغيرها من الصناعات اليدوية، وبيحاولوا يرجعوا كتير من الصناعات الثقافية اللى قربت تختفى ويضيفوا عليها لمسة عصرية!

تقدر تشتري من ألاجا: ازياء!
لو عايز تشوف بنفسك تقدر تقابلهم يوم السبت 19 مارس في بازار عيد الأم حديقة الأسماك بالزمالك

 

Fair Trade Egypt

Fair Trade Egypt  بيشتغلوا علي تمكين المجتمعات المحلية من خلال تقديم الدعم وتوفير خدمات التسويق للحرفيين وبناء قدراتهم  وتوفير التدريبات اللازمة للمنافسة في السوق اليوم.

تقدر تشتري من فير تريد إيجيبت: ادوات مكتبية، سجاد ومفارش، حلي، ديكور للبيت، ازياء واكسسوارات!
لو عايز تشوف بنفسك موجودين في المعادي و الزمالك

 

من فترة مقضيناش يوم طويل مع بعض، ممكن نعمل ايه مع بعض؟

 

مدرسة نفس لفنون وعلوم الطبخ

تقدر تحجز في كورس الطبخ مع مدرسة نفس، ممكن تحضر الكورس يوم الثلاثاء 22 مارس الساعة 7 مساءا أو يوم الأربعاء الساعة 11 صباحا!
مدرسة نفس لفنون وعلوم الطبخ هي مدرسة بتشتغل علي وضع تصور جديد للمطبخ وإعادة تثقيف الناس عن الأكل ومصادره. المدرسة بها طهاة للعمل مع الأطفال من مرحلة ما قبل المدرسة للبالغين، وبيستخدموا الطبخ لتعليم الأطفال عن البيئة والعلوم والرياضيات، والجغرافيا، والحدائق العامة.

 

ساعدها في إعادة ترتيب البيت، وممكن تتبرعوا بالملابس أو الاشياء الزايدة عن حاجتكم لمشروع  سوق الخير اللي بيشتغل علي بيعها بسعر قليل للمحتاجين واستخدام الفلوس بعدها لدفع مصاريف مدارس الأطفال المحتاجين لها!

 

طلع الروح الفنية اللي جواها وقضوا يوم في فجنون بين صناعة الفخار والفنون المختلفة وأنشطة مختلفة.

 

نأكل مع بعض فين؟

محلي
في جو مختلف في المعادي، هتأكل أكل كله "محلي"! هناك بيحاولوا يشجعوا الناس علي الأكل الصحي، النظيف، ومتوفر من مصادر محلية.

 

عيش و ملح

لو ست الحبايب من محبي موسيقي الجاز والأكل الإيطالي، عيش و ملح بينظموا يوم الجمعة 18مارس و السبت 19 مارس يوم مختلف تقدروا تاكلوا فيه عيش وملح وانتوا بتسمعوا الجاز!

 

Baldini’s Mother’s Day Pizza Party في مركز نون

بلديني هو مشروع بدأ من خلال نوايا واحد من المشاريع المحتضنة في نهضة المحروسة، عمل بلديني مع نساء من مجتمع أبو صيرعلي إنتاج طعام مغذي، عالي الجودة.